The Gaeltacht team of the Journal has produced this article.  You can read an English language version here. 

TÁ COMHALTA TOFA i bPairlimint Cheanada ag éileamh fiosrú oifigiúil faoi fhógra a déanadh an mhí seo cháite inar tugadh le fios go raibh cosc ar an ngrúpa Kneecap taisteal go dtí an tír.

Jenny Kwan, ionadaí tofa an Pháirtí Nua Daonlathach i Vancouver, atá ag lorg na fhiosruithe mar gheall ar fhógra Vince Gasparro, feisire de chuid an Pháirtí Liobrálach agus Rúnaí Phairliminteach(Aire Shóisearach) sa Roinn Frith Choiriúlacht, go raibh cosc ar Kneecap taisteal go dtí an tír.

Rinne Gasparro líomhaintí go raibh Kneecap ag spreagadh foréigin pholaitiúil. Luaigh sé an cás a raibh á tógáil ag údaráis na Breataine ag an am in éadan Mo Chara ó Kneecap faoi bhrat Hezbollah a bheith ina sheilbh ar ardán ag ceolchoirm i Londain i mí na Samhna seo cáite.

Caitheadh an cás sin amach an tseachtain ina dhiaidh sin agus tá Kneecap tar éis na líomhaintí a rinne Gasparro a fhoilsiú i bhfíseán a scaip sé ar na meáin sóisialta agus a bhain lucht féachana sa bhreis ar 4m.

Tá sé ráite ag bainistíocht an ghrúpa ná fuair siad aon teagmháil eile ó Rialtas Cheanada ach cuireadh ar athló ceolchoirmeacha a bhí beartaithe an mhí seo ag an ngrúpa.

Ina litir chuig an gCoiste um Shaoránacht agus Inimirce, dúirt Kwan go raibh ceisteanna tromchúiseacha faoin díscreid a raibh ag airí agus airí shóisearacha maidir le cinntí faoi oirfidigh agus ealaíontóirí a ligean isteach sa tír.

“Tá sé fíor thábhachtach go gcuirfí muintir Cheanada agus an pobal idirnáisiúnta ar a suaimhneas go bhfuil a gcearta á gcosaint ionas go mbeidh muinín ag an bpobal i gcothromas agus iontaofacht ár bpolasaithe maidir le hinimrce agus malartaithe chultúrtha,” arsa Kwan.

Related Reads

Ní fúmsa a bhí an cás seo, bhí sé i gcónaí faoi Gaza - Mo Chara ó Kneecap

Terrorism case against Kneecap rapper Mo Chara thrown out by London court

'Gan an Phuball Gaeilge ag an Electric Picnic ní bheadh muid ann', deir Kneecap

“Thabharfadh seo soiléireacht freisin do mhuintir Cheanada a cheannaigh ticéid chun an grúpa a fheiceáil i Toronto agus Vancouver.”

Tá iarratas ar fhreagra faoin mhéid atá ráite seolta ag an Fheisire Gasparro. Nuair a hiarradh ráitis uaidh agus ó údaráis Cheanada roimhe seo faoin ábhar seo, níor tugadh freagra ar bith.

Tá tacaíocht á fháil ag Beartas Gaeltachta The Journal ón Scéim Tuairiscithe ar Dhaonláthas Áitiúil