Sign in. It’s quick, free and it’s up to you.
An account is an optional way to support the work we do. Find out more.
(This article is produced by our Gaeltacht team. You can read an English version of this piece here)
MÁ SCRÍOBHANN DO pháistí litir as Gaeilge go Daidí na Nollag, tá sé dearbhaithe ag Oifigeach Ghaeilge An Post go bhfaighidh an páiste litir sa teanga chéanna ar ais ón bhfear groí sa Mhol Thuaidh.
Agus é ag freagairt ceisteanna ó The Journal, dúirt Criostóir Mac Cafraidh gurb é an cheist faoi litreacha as Gaeilge a fháil ó Dhaidí na Nollag má scríobhann páiste chuige sa teanga sin ceann de na ceisteanna is mó a bhfaigheann an chomhlacht gach bliain.
“Is í seo ceann de na ceisteanna is mó a fhaighimid gach bliain: an bhfaigheann páistí freagra i nGaeilge ó Dhaidí na Nollag má scríobhann siad chuige?” dúirt sé.
“Faigheann! Agus ní hamháin sin, ach tá an traidisiún seo beo bríomhar leis na blianta.
“Nuair a thagann litir i nGaeilge isteach chuig an Mol Thuaidh, oibríonn An Post go dlúth leis na síofraí agus le Daidí na Nollag go bhfaigheann an páiste freagra ar ais. Tá an tseirbhís seo feabhsaithe fós le blianta beaga anuas mar gheall ar an Acht nua agus an méadú leanúnach ó thaobh éilimh de.”
Ní i gcónaí a raibh sin fíor mar sara tháinig forálacha Acht na dTeangacha Oifigiúla i bhfeidhm do An Post, is freagra dhá theangach, a bhfurmhór i mBéarla, a bhfaigheadh páistí a scríobhfadh chuig Daidí na Nollag.
I Nollaig 2005, scrígh eagarthóir an nuachtáin laethúil Ghaeilge Lá (ba mise an eagarthóir sin) litir chuig páiste a scrígh chuig an nuachtán ag fiafraí an raibh Gaeilge ag Daidí na Nollag agus foilsíodh an litir ar an bpríomh leathnach, rud a chuir an spotsholas ar an bhfadhb áirithe seo ag an am.
Ba mhacalla an litir seo an litir a scrígh eagarthóir The Sun, nuachtán i Nua Eabharc in 1897, Frances Pharcellus Church, chuig cailín naoi mbliana d’aois, Virginia, ag tabhairt le fios di gurb ann do Dhaidí na Nollag/Santa Claus.
Anois is scéal iomlán éagsúil é agus deir Mac Cafraidh go bhfuil an litir i nGaeilge a thagann ó Dhaidí na Nollag i measc réimse leathan seirbhísí as Gaeilge a chuireann An Post ar fáil um Nollaig agus le linn na bliana.
Dúirt Mac Cafraidh go raibh méadú mór ar an éileamh do sheirbhísí as Gaeilge tugtha faoi ndeara ag an chomhlacht mar gheall ar an spéis breise sa teanga.
“Tá níos mó daoine ag lorg seirbhísí sa teanga, níos mó teaghlach ag roghnú cumarsáid dhátheangach, agus is fíor go bhfuil pobal i bhfad níos muiníní anois as “Nollaig Shona” a rá, nó abairtí Gaeilge eile a úsáid ina saol laethúil.
“Ar ndóigh, tá Acht na dTeangacha Oifigiúla mar ghníomh chun seirbhísí dátheangacha a fheabhsú, ach tá An Post tiomanta go láidir i dtreo na Gaeilge, ní hamháin go gcomhlíonfar forálacha an Achta, ach go mbeidh muid chun tosaigh ar chur chun cinn na Gaeilge agus go ndéanfaidh muid ar dtréan iarracht cnámh droma cultúrtha a bheith againn dár dteanga náisiúnta.
“Mar sin féin, fiú mura mbeadh an tAcht ann, tá sé soiléir dúinn go bhfuil an pobal féin ag brú i dtreo seirbhísí Gaeilge. Is léir dom nuair a bhfuil beartas 7 éileamh, beidh Nollaig níos Gaelaí i mbealach níos feiceálaí ná riamh.”
Agus an sprioc am ag teannadh linn chun cartaí Nollag a chuir sa phost le go mbeadh siad ag ceann scríbe roimh Oíche Nollag, tá liosta beannachtaí Nollag foilsithe ag An Post ar shuíomh an chomhlachta.
Seo roinnt samplaí de na beannachtaí ar shuíomh An Post:
I measc na seirbhísí eile as Gaeilge atá á sholathar ag An Post um Nollaig, tá stampaí dhá theangacha agus deir Mac Cafraidh go bhfuil méadú ar an éileamh ar na stampaí a bhfuil an oidhreacht agus Nollaig fite fuaite le tabhairt faoi ndeara.
Tá tacaíocht á fháil ag Beartas Gaeltachta The Journal ón Scéim Tuairiscithe ar Dhaonlathas Áitiúil
To embed this post, copy the code below on your site
have your say