This article was brought to you by our new Gaeltacht team. For an English version, please click here 

Is cosúil go bhfuil an dáta go dtionólfar toghcháin Údarás na Gaeltachta chomh fada uainn is a bhí riamh tar éis gur fhoilsigh an Rialtas liosta na mbillí atá ar chlár oibre an Oireachtais sa téarma Dála atá romhainn an tseachtain seo.

Cé go bhfuil Bille Údarás na Gaeltachta 2024 ag an gceathrú chéim dá dhul chun cinn tríd an Dáil ach beidh sé chéim eile le sárú ag an mBille, an chéim deireanach sa Dáil agus cúig chéim sa Seanad sula sroicheann sé láimh an Uachtaráin le go dtabharfadh seisean a bheannú do.

I bhfreagra ar fhiosrú ó The Journal, bhí an méid seo le rá ag urlabhraí ar son na Roinne Forbartha Tuaithe agus Pobail agus na Gaeltachta ar dhul chun cinn an Bhille a cheadódh d’fhilleadh na toghcháin don Údarás.

Beidh an tAire ag coinneáil deiseanna féideartha le haghaidh toghchán faoi athbhreithniú.

“Chríochnaigh an Bille um Údarás na Gaeltachta (Leasú), 2024, Céim an Choiste roimh shos samhraidh na Dála,” arsa an t-urlabhraí.

“Tá an Bille os comhair Dháil Éireann faoi láthair, ag an gCeathrú Céim nó Céim na Tuarascála. Leanfar leis an mbille a chur tríd an bpróiseas reachtach agus na leasuithe a bhí luaite ag an Aire ag Céim an Choiste a thabhairt chun cinn.”

Bhíodh toghcháin ann chun comhaltaí boird ionadaíoch ar na ceantair Ghaeltachta éagsúla a thoghadh go dtí 2012 ach cuireadh deireadh leo mar chuid de bheartais an Rialtais chun airgead a shábháil.

Is iomaí uair go bhfuil gealltanas tugtha ag páirtithe éagsúla go dtabharfar ar ais na toghcháin do bhord an Údaráis. Ina gclár toghcháin roimh olltoghchán na Samhna anuraidh, gheall Fianna Fáil go dtionólfadh an pháirtí “toghcháin dhíreacha do bhord an Údaráis”.

Faoi láthair ceapann comhairlí contae ina bhfuil limistéir Ghaeltachta ionadaithe – ionadaí amháin ó Chiarraí, Gaillimh, Maigh Eo is Tír Chonaill. Bíonn deis ag comhairlí contae ina bhfuil limistéir Ghaeltachta níos lú, Corcaigh, Port Láirge agus Contae na Mí uainíocht a dhéanamh ar a chéile ar feadh tréimhsí dhá bhliana.

De réir na reachtaíochta nua atá á mholadh, beidh bord le sé comhalta déag agus beidh deichniúr á dtoghadh le hionadaíocht a dhéanamh ar na bpobal Gaeltachta agus bheadh an seisear eile le ceapadh tar éis comórtas poiblí.

Related Reads

State agency 'has questions to answer' over tender process for Meath factory

Cost of refurbishing State-owned factory spirals from €1.2 million to over €3 million

Níos túisce i mbliana, cheap Aire na Gaeltachta, Dara Calleary, bord nua de dár dhéag le téarma dhá bhliana.

Ag an am, áfach, bhí sé á thuar go mbeadh an toghchán do bhord an Údaráis faoi na forálacha atá molta sa Bhille atá os comhair na Dála ar siúl an lá céanna leis an toghchán don Uachtaránacht, Deireadh Fómhair 24.

Tá tacaíocht á fháil ag Beartas Gaeltachta The Journal ón Scéim Tuairiscithe ar Dhaonláthas Áitiúil.