(This article is produced by our Gaeltacht team. You can read an English version of this piece here) 

“NÍL SÉ ÉASCA.”  B’shin a d’admhaigh Uachtarán na hÉireann Catherine Connolly agus í ag tágairt dá ngeallúint feachtais go mbeadh an Ghaeilge ina teanga oibre in Áras an Uachtaráin le linn a téarma le linn agallaimh ar RTÉ Raidió na Gaeltachta ar maidin.

Ag labhairt di ar Adhmhaidin agus í ar a céad cuairt oifigiúil go Conamara ó toghadh í, thagair an tUachtarán Connolly don ngeallúint a rinne sí le linn a feachtais go mbeadh an Ghaeilge mar aon le h-ábhair eile ar nós a ról mar cheannasaí Óglaigh na hÉireann(na fórsaí cosanta) agus cá mbeadh sí ag caitheamh a céad Nollaig mar Uachtarán. 

“Tá sé deacair, níl sé éasca ach níl aon rud éasca don saol seo agus sin iad na dúshláin atá ós ár gcomhair agus dul i ngleic le na dúshláin sin i mbealach dearfach agus le hacmhainn grinn más féidir agus tá acmhainn grinn ag teastáil go géar ó thaobh na Gaeilge de,” dúirt sí.

Thug an tUachtarán Connolly le fios go raibh dul chun cínn á dhéanamh ar an gceist agus go raibh “aisfhreagra dearfach” á fháil aici.  

“Tá tús curtha agam leis an turas sin agus ní mór dom a rá go bhfuil an aisfhreagra atá faighte agam dearfach, an aisfhreagra atá faighte agam go hoifigiúil ó thaobh na Gaeilge de ag gach ocáid agus ag gach óráid.

“Tá mo dhícheall déanta agam agus ag an fhoireann an Ghaeilge a úsáid, ní mar cúpla focal, ní mar aistriúchán ach chun na teachtaireachtaí is láidre agus na teachtaireachtaí tábhachtach a chur in iúl.”

Dúirt sí freisin go raibh duine beagnach fostaithe aici maidir le comhairle a chuir uirthí maidir leis an nGaeilge agus an treith ba mhó a bhí suim aici ann ná go mbeadh meon dearfach ag daoine i leith na Gaeilge. 

Dúirt sí freisin gur thar nais cois Cladaigh sa Ghaillimh a bheith sí féin agus a teaghlach ag caitheamh na Nollag de bharr go bhfuil obair athchóirithe ar bun ag Áras an Uachtaráin. 

“Ba mhaith liom dul ar ais agus b’fhéidir snámh a dhéanamh san san fharraige agus mo chos a chur ar an talamh agus machnamh a dhéanamh,” dúirt sí.

An Comhairle Stáit

Maidir leis an gComhairle Stáit, coiste de phearsaí ar nós an Taoiseach agus an Phríomh Bhreitheamh is iar thaoisigh a chuireann comhairle ar an Uachtarán, tá cead ag an Uachtarán féin seachtar a ainmniú mar bhaill.  

Dúirt sí go raibh ‘an t-adh dearg’ uirthí ná raibh sé práinneach na daoine seo a roghnú go fóill ach dúirt sí go raibh sí ‘i mbun machnaimh’ ar a h-ainmniúcháin. 

“Ach tá sé thar a bheith tábhachtach go mbeadh éagsúlacht ann, go mbeadh saineolas ann agus go mbeadh mé sásta go bhfuil na daoine cearta roghnaithe agam.”

Le linn di bheith ag stuideo RTÉ RnaG i gCasla, chuir an tUachtarán crann cuilinn sa ghort lasmuigh den bhfoirgneamh mar chomóradh ar a cuairt. 

Related Reads

Catherine Connolly 'ar dhroichead' idir an Dáil agus an Áras, dar le tráchtaire aitheanta

Beidh an Ghaeilge sa chéad áit san Áras, deir an tUachtarán Connolly san aitheasc insealbhaithe

Gaeilge le bheith ina teanga oibre san Áras le linn téarma Uachtaránachta Catherine Connolly

Guth ar son na síochána

Ag freagairt ceiste faoina ról mar cheannaire ar na bhfórsaí cosanta agus an ghá a bheadh le breis acmhainní, dúirt an tUachtarán Connolly go raibh ról aici mar cheannaire ach gur bhain ceisteanna maidir le polasaí agus acmhainní leis an Rialtas. 

Dúirt sí, áfach, go raibh geallúint tugtha aici le linn a feachtais go n-úsáidfeadh sí a glór ‘ar son na síochána’ agus leag sí béim gur ‘fórsaí cosanta, ní arm’ atá i gceist.

“Is dóigh nach bhfuil an dara rogha agamsa nó ag cosmhuintir na tíre ach an guthanna a úsáid níl aon rud le canúint agat leis an mbóthar sin agus tá de dhualgas ormsa agus oraibhse é a dhéanamh freisin.”

Dúirt sí go raibh dualgas bunreachtúil ann tadhlóireacht a úsáid chun coimhlintí a réiteach.  “Tá sé leagtha amach sa Bhunreacht go rachaimíd ar bhóthar na síochána chun cogaí a réiteach,” dúirt sí.

Tá tacaíocht á fháil ag Beartas Gaeltachta The Journal ón Scéim Tuairiscithe ar Dhaonlathas Áitiúil